تعدي ثلاث شهور و الرابع اللي هـــــل
وقلبي توديــــه الـــــــهموم ويجـــــيبنّه
على الجادل اللي في يده تل قلبي تـــــل
ليا اني زعجت الصوت جريت لي ونه
رماني هواه بمشكلٍ ما معي له حــــــل
وقلبي عليل ويقرع اقراعه الشــــــــــنّه
إلي بان خده قلت يا برق عز وجـــــــل
احسب الخدود بروق والناس بالكنــــــّه
معه قصتي فيها طبيب الهوى يـــــبحل
ولو قال تبرى عـلتك قلت ما ظـــــــــنّه
ولو شافها العاقل بــــــعينه يبا يــــختل
عسى والديها كل الاثنين للجـــــــــــنّه
غلا قيس ليلى يشهد الله غلاه اشــــكل
ونا في رجا ربٍ له الفضل والــمــــنّه
عسى اللي عيونه كنها الوادي الممحل
عيون عساهن للــــرمد مايشوفــــــــنّه
ذبحني بعين وخد ابو مبسمٍ يقتــــــــل
سهوم الموده يذ بـــــــحٍ من يصيبنّــــه
ترى احسن كلام الناس ما قل منه ودل
ومن ضحكنه بعض الايام بكنّــــــــــه
ليست هناك تعليقات:
إرسال تعليق