ياناس قولو لغض العود

شعر أحمد الناصر
ياناس قولوا لغض العـود

تكفون يانـاس قولـو لـه
ما اشوف له من عذابي زود
كثر التصاديد وش هو لـه
ابو ثليـل اشقـر مرجـود
اسمع بذكـره ولا اطولـه
وعيون نجل هدبهن سـود
يذبح بهن من يجـي حولـه
ياكثر الأزوال بيض وسود
ماهـم بمثلـه ولا حولـه
عقب المودة جفا وأصـدود
ماشفت زول مثـل زولـه

إن مت ابا القى عليه اشهود
عنقـه وخـدّه ومجدولـه
أسهر وكل العيـون رقـود
اليـا تباطيـت مرسـولـه
يازين حبل الهوى ممـدود
لكـن سجايـاه مجهـولـه